Siglir tar il cuntegn
Inhalt

Exteriur Moscau: Bus da lingia charrescha en fulla

A Moscau è in bus da lingia charrà en ina fulla. L'automobilist haja pers la controlla da ses vehichel. Quatter persunas sajan vegnidas mazzadas tras l'accident. Dapli ch'in tozzel persunas sajan blessadas, uschia las agenturas russas.

Il bus da lingia è charrà da scala giu.
Legenda: La polizia discurra d'in accident. Keystone

Il bus è charrà da la scala d'in sutpassadi giu. L'incident è capità sin ina via principala en il vest da la chapitala russa, en la vischinanza d'in center da cumpra frequentà bain ed ina staziun da metro.

Nagina attatga

Tenor indicaziuns uffizialas sa tracti d'in accident en consequenza d'in defect tecnic u d'in sbagl uman. Tenor indicaziuns dal manischunz haja dà in problem tecnic cun ils frains, rapporta l'agentura da novitads «Tass». Er tenor las autoritads na dettia actualmain nagins indizis per in'attatga.

Dentant mussan videos betg verifitgads en l'internet sco il bus manevrescha l'emprim be plaunsieu tras auters vehichels e sco il bus fila lura da scala giu.

RR novitads 16:00