Exteriur - Morts e plirs blessads tar sajettada en in kino
Tar ina sajettada en ils Stadis Unids hai dà trais morts e plirs blessads. Sco la polizia en la citad Lafayette en il stadi federativ Louisiana communitgescha, haja in um da 58 onns sajettà giu duas persunas e silsuenter sasez en in kino.
Almain set ulteriuras persunas sajan vegnidas blessadas. Davart il motiv na datti anc naginas indicaziuns. La polizia federala FBI investighescha en chaussa. Avant trais onns avevi dà in sumegliant cas d'amoc en in kino american. Lura eran 12 persunas mortas e pliras vegnidas blessadas. A l'attentader da 27 onns smanatscha la paina da mort.
