Siglir tar il cuntegn

Exteriur Montenegro po daventar commember da la NATO

Il secretari general da la Nato, Jens Stoltenberg, ha beneventà il pajais sco nov commember suenter la decisiun dals ministers da l'exteriur dal pact.

Il secretari general da la Nato, Jens Stoltenberg (dretg) beneventa il Montenegro sco 29avel commember.
Legenda: Il secretari general da la Nato, Jens Stoltenberg (dretg) beneventa il Montenegro sco 29avel commember. Keystone

Il Montenegro po daventar il 29avel commember da la Nato. Ils ministers da l'exteriur dals pajais commembers han envidà il stadi balcanais uffizialmain da s’associar cun l'Organisaziun dal pact da l'Atlantic dal nord.

L'opposiziun serba sa defenda vehementamain cunter in’adesiun a la Nato. Er la Russia ha numnà in'eventuala adesiun dal Montenegro sco nuschaivel per la segirtad europeica.

Cun radund 600milli abitants è il Montenegro il pli pitschen pajais da l'anteriura Jugoslavia. L'adesiun dal Montenegro è l'emprima extensiun da l'allianza militara dapi il 2009.

RR novitads 12:00