Siglir tar il cuntegn

Exteriur Mont-Saint-Michel: Polizia ha arrestà suspectà

La polizia ha arrestà ina persuna en connex cun las smanatschas a Mont-Saint-Michel.

Purtret da l'insla da Mont-Saint-Michel.
Legenda: L'insla da Mont-Saint-Michel è ina da las pli impurtantas attracziuns da turists en Frantscha. Reuters

Suenter che l’insla da muntogna Mont-Saint-Michel en Frantscha èra vegnida evacuada ier pervi dal suspect d’in act terroristic ha la polizia arrestà oz ina persunas suspectada. El duai avair smanatschà d’agir cunter la polizia, pervi da questa smanatscha era l’insla vegnida evacuada. Tenor la polizia è l’um vegni arrestà en la citad da Caen en la Normandia.

Insla evacuada

La dumengia ha l'insla da Mont-Saint-Michel stuì vegnir evacuada per intginas uras. Igl aveva dà indicaziuns ch'in um haja smanatschà d'agir cunter la polizia. L'insla è ina da las pli popularas attracziuns per turists en Frantscha. Il patrimoni mundial da l'Unesco attira mintg'onn radund 2,5 milliuns visitaders.

RR novitads 10:00