Siglir tar il cuntegn

Header

cuntegn

Exteriur Mohammed Mursi condemnà a la mort

Ina dretgira egipziana a Cairo ha sentenzià a la mort l’anteriur president egipzian Mohammed Mursi. Il motiv saja spiunadi, scrivan las agenturas da novitads.

Mursi duai avair conspirà l’entschatta dal 2011 cun la gruppaziun palestinaisa Hamas e cun la Hisbollah libanaisa per organisar ina gronda fugia ord praschun, scrivan las agenturas da novitads. Durant il process che ha gì lieu sonda èn ulteriuras tschient persunas vegnidas condemnadas a la mort.

Pievel aveva elegì Mursi

Suenter la cupitgada dal president Hosni Mubarak il fevrer 2011 è Mursi stà l’emprim president da l’Egipta elegì a moda democratica. Il zercladur 2013 era Mursi alura sez vegnì stgatschà dal militar.

RR novitads 12:00

Artitgels legids il pli savens