Siglir tar il cuntegn

Header

Navigaziun

Commemoraziun avant l'hotel Imperial Marhaba.
Legenda: L'ambassadur englais Hamish Cowell (segund da sen.) tar la commemoraziun avant l'hotel Imperial Marhaba. Keystone
cuntegn

Exteriur Minuta da silenzi per unfrendas da Tunesia

In'emna suenter l'attatga da terror sin in hotel en Tunesia è la Gronda Britannia sa regurdada vid las unfrendas cun ina minuta da silenzi.

A la commemoraziun èn er sa participads la regina ed il primminister David Cameron. Er al turnier da tennis da Wimbledon hai dà ina minuta da silenzi.

Il venderdi passà aveva in student da la Tunesia sajettà 38 persunas, tranter quellas 30 brits e 2 tudestgs. Per la Gronda Britannia èsi stà la pli nauscha attatga dapi il fanadur 2005, cura che 4 attentaders avevan mazzà 52 persunas a Londra.

RR novitads 17:00