Las 10:41 èsi vegnì quiet sin la plazza da Haltern en Nordrhein-Westfalen: ils preschents han fatg ina minuta da silenzi per las unfrendas dal aviun da Germanwings ch'era avant trais onns exact da quel temp crudà giu en la Frantscha dal Sid. Ed era sin il manaivel dal lieu nua ch'il aviun cun numer 4U9525 era crudà giu, èn radund 350 confamigliars sa radunads per commemorar a las unfrendas.
Tut ils 150 passagiers eran morts. Tranter ils passagiers eran 16 scolars e dus scolastas dal gimnasi Joseph-König a Haltern. Els turnavan d'in project da barat da la Spagna. Tenor las investigaziuns aveva il co-pilot fatg crudar giu aposta l’aviun.
RR novitads 14:00