Siglir tar il cuntegn
Inhalt

Exteriur Mintga di moran en media 11 persunas sin lur viadi sur mar

L'emprima mesadad da quest onn èn morts passa 2'100 fugitivs sin lur viadi sur mar en l'Europa. Quai communitgescha l'organisaziun internaziunala per migraziun.

Ina bartga cun fugitivs en la Mar Mediterana.
Legenda: Ina bartga cun fugitivs en la Mar Mediterana. Keystone

L'onn passà n’avevan anc 2'800 persunas betg survivì il viadi cun la bartga sur la Mar Mediterana. Ils blers morts hai dà sin la ruta traner la Libia e l’Italia. Noss pajais vischin ha prendì si passa 70’000 dals 85’000 fugitivs arrivads dapi il schaner en l’Europa, scriva l’organisaziun internaziunala per migraziun.

Dumber da fugitivs sa reducescha

Il dumber dals fugitivs che vegnan en l’Europa è sa reducì marcant en cumparegliaziun cun avant in onn. Fin la fin dal zercladur 2016 eran dapli che 200’000 fugitivs arrivads en l’Europa. Quai pia ina reducziun per dapli che la mesadad.

RR novitads 12:00