Gia dapi onns vegni prognostitgà in augment dals morts tras accidents sin via. Quai augment na saja dentant betg succedì, uschia la WHO. Tenor l’organisaziun sajan las stentas per la segirezza dal traffic apparentamain fritgaivlas.
Dapli morts da traffic en pajais ritgs che en povers
Quai che pertutga la segirezza sin via daventia il foss tranter ils pajais ritgs ed ils povers adina pli grond: En Svizra datti uschia 3,3 morts sin 100’000 abitants, en la Liberia percunter 33,7. Mesirà vi dal dumber d’abitants è quai bler dapli, malgrà che bler pli paucas persunas pon sa lubir in auto.
Peduns e velocipedists èn periclitads
Il studi da la WHO mussa che peduns ed velocipedists èn ils pli periclitads. La mesadad da tut las unfrendas d’accidents eran per via u cun velo u a pe. Malgrà questa bilantscha vegnia quai en blers lieus resguardà be ils basegns dal traffic d’autos tar la construcziun da vias.
RR novitads 12:00