La ministra dal traffic en Belgia tira las consequenzas suenter la debatta davart la segirezza a l'eroport da Brüssel e sa retira. Quai rapportan medias beltgas. Il primminister Charles Michel duai avair acceptà la demissiun.
A Jacqueline Galant vegn rinfatschà d'avair ditg manzegnas en connex cun in rapport da l'Uniun europeica. L'analisa da l'UE aveva crititgà la segirezza a l'eroport da la chapitala beltga quai ditg avant l'attatga da terror cun plirs morts e blessads il mars.