Siglir tar il cuntegn
cuntegn

Exteriur Ministeri russ ha bandegià ambassadurs

Il ministeri da l'exteriur russ ha bandegià plirs ambassadurs. Pertutgads èn ils pajas ch'avevan bandegià diplomats russ en connex cun il cas dal spiun dubel Sergej Skripal.

Ambassadurs da l'Australia.
Legenda: Intgins ambassadurs èn gia turnads. Keystone

La Russia reagescha cun ina replica ed ha bandegià differents ambassadurs. Intgins dad els èn tenor atgnas indicaziuns gia arrivads. Ad els vegnia surdà ina nota da protest ed i vegnia annunzià las cuntramesiras.

Totalmain èn radund 60 ambassadurs vegnids bandegiads. Pertutgads sajan quests stadis ch'hajan bandegià diplomats russ suenter l'attatga da tissi sin in anteriur spiun russ en la Gronda Britannia. Londra fa responsabel la Russia per quest'attatga. Plirs pajais èn sa solidarisads cun la Gronda Britannia.

RR novitads 16:00