Las suspensiuns sajan ina part da l'operaziun cunter adherents dal predicatur Fethullah Gülen che vegn fatg responsabel per l'emprova da putsch, communitgescha il ministeri da furmaziun. Cunter ils passa 15’000 emploiads dal stadi saja vegnì instradà inquisiziuns.
Retratg licenza d'emetter
Entant èsi er vegnì enconuschent che l'autoritad da telecommunicaziun ha retratg la licenza d'emetter a 24 staziuns da radio e televisiun tricas. Ins haja constatà che quels hajan colliaziuns tar il moviment da Fethullah Güllen, uschia l'autoritad ad Ankara.
RR novitads 18:00