Siglir tar il cuntegn

Header

cuntegn

Exteriur Minister da finanzas discurran sur da zups da taglia

Ils ministers da las finanzas da l'Uniun europeica discutan en la Lettonia co stuppar rusnas ch'interpresas nizzegian per evitar da pajar taglia.

La cumissiun responsabla saja d'accord da procurar per transparenza quai che pertutgia empermischuns ad interpresas quant taglia ch'ellas stoppian pajar (uschenumnads Tax Rulings), ha il manader da la cumissiun ditg.

Cun agid da talas empermischuns da taglia pon concerns internaziunals dischlocar lur gudogns sur cunfin ed uschia spargnar taglias. La cumissiun quinta ch'ils pajais pertutgads perdian uschia mintg'onn milliardas.

La cumissiun da l'UE era vegnida activa en chaussa suenter ch'igl era vegnì enconuschent ch'il Luxemburg aveva carmalà concerns en il pajais cun Tax Rulings.

RR novitads 11:00

Artitgels legids il pli savens