Siglir tar il cuntegn
cuntegn

Exteriur Minca - polizia ha arrestà l'attatgader supponì

A Minca en Germania ha in attatgader blessà levamain otg persunas cun in cuntè. In suspectà saja vegnì arrestà, ha communitgà la polizia sin Twitter.

Enturn il «Rosenheimer Platz» amez Minca è la polizia posiziunada.
Legenda: Enturn il «Rosenheimer Platz» amez Minca è la polizia posiziunada. Keystone

Tenor indicaziun da la polizia haja l'attatgader blessà levamain otg persunas e quai en sis differents lieus en la citad. L'emprim aveva la polizia rapporta da quatter blessads. En il decurs dal di ha ella pudì arrestar ina persuna suspectada. Sco la polizia di saja quella fermamain suspectada d'avair commess las attatgas.

Tar las unfrendas sa tractia quai da sis umens, ina dunna ed in giuven da 12 onns.

Tar l'arrestà sa tracti d'in Tudestg da 33 onns ch'haja da raschun problems psichics. L'um saja enconuschent a la polizia. Davart ses motiv n'haja el betg dà pled e fatg.

RR novitads 11:00+