La Croazia a puspè transportà millis da fugitivs al cunfin cun la Slovenia. La notg passada haja la polizia slovena dumbrà 4'000 persunas al cunfin annunzia in'agentura da novitads slovena.
Da l'autra vart haja l'Austria bloccà la notg per in tschert temp l'entrada da fugitivs. Uschia spetgian 2'500 fugitivs da pudair cuntinuar lur viadi en direcziun da la Germania.
Dacurt aveva il schef da la regenza slovena rinfatschà a la Croazia d'esser nunsolidarica e betg faira perquai ch'ella na consulteschia insumma betg las autoritads slovenas.
