Siglir tar il cuntegn

Header

cuntegn

Exteriur Millis da fugitivs èn arrivads en la Serbia

Plirs millis da fugitivs èn arrivads en la Serbia questa fin d'emna. Quai suenter che la Macedonia aveva avert ils cunfins cun la Grezia, uschia ch'ils fugitivs han pudì cuntinuar cun lur viadi en direcziun da l'Europa dal vest.

Passa 7'000 fugitivs sajan la notg sin dumengia vegnì en la Serbia. Pliras tschient persunas spetgian anc als cunfins, communitgescha il Autcumissariat da las Naziuns Unidas per ils fugitivs.

Las autoritads da la Macedonia hajan empermess da laschar avert ils cunfins. Anc la gievgia aveva il pajais proclamà il stadi d'urgenza e serrà ils cunfins cun la Grezia.

RR novitads 07:00

Artitgels legids il pli savens