Siglir tar il cuntegn

Header

cuntegn

Exteriur Millis da fugitivs cuntinueschan lur viadi davent da l'Ungaria

Millis da fugitivs cuntinueschan lur viadi davent da l'Ungaria en direcziun da l'Europa dal Vest. Sulettamain la sonda ha la polizia ungaraisa tenor atgnas indicaziuns dumbrà 4330 novs fugitivs. Plinavant sajan la notg sin dumengia passa 1600 fugitivs arrivads.

A partir da mardi vali sco delict da passar da maniera illegala il cunfin. Ad immigrants illegals smanatschan uschia enfin a 3 onns praschun. Fin ussa valeva il passar illegalmain sur il cunfin, mo sco violaziun da l'urden.

Franà transporter da fluras cun fugitivs

Entant ha la polizia austriaca chattà 42 fugitivs en in transporter da fluras. Il vehichel saja vegnì franà dad ina controlla da traffic datiers dal cunfin cun la Germania, communitgescha la polizia austriaca.

Tenor emprimas enconuschientschas derivia il transporter da l'Ungaria. Tranter ils fugitivs sajan er 8 uffants. La polizia ha arrestà dus cuntrabandists supponids. Davart la naziunalitad dals fugitivs na datti anc naginas indicaziuns uffizialas.

RR novitads 16:00

Artitgels legids il pli savens