En il Canada na para la situaziun da las auas grondas betg da sa calmar. En parts dal pajas vegnì er oz quintà cun ulteriura plievgia, quai surtut en las provinzas Quebec e British Columbia. Tenor las autoritads pudess la situaziun anc sa pegiurar.
Entant èn prest 4’000 chasas sut l'aua, passa 2’700 persunas han stuì vegnir evacuadas. Tar las inundaziuns hai dà almain in mort, in’ulteriura persuna è anc sparida.
Las autoritads discurran da la pli ferma plievgia dapi passa 50 onns. La fin d'emna hai per part pluvì prest 36 uras senza interrupziun.