Siglir tar il cuntegn

Header

cuntegn

Exteriur Mike Pence daventa schef dal team transitoric

Il nov elegì president american, Donald Trump, ha prendì in'emprima decisiun persunala impurtanta. Ses vice-president, Mike Pence, vegnia a manar la squadra transitorica.

Trump vul remplazzar il schef dal team transitoric. Da nov duai il vicepresident american, Mike Pence manar quest team che ha l'incumbensa da furmar la nova regenza. Il guvernatur dispitaivel da New Jersey Chris Christie resta dentant en la squadra transitorica, simplamain betg sco schef. Tranter auter fan er part da quest team da 16 persunas: l'anteriur burgamester da New York, Rudolph Giuliani e l'anteriur parsura da la chombra dals represchentants, Newt Gingrich. Ultra da quai èn er ils uffants da Trump en quest team, vul dir la figlia Ivanka ed ils figls Eric e Donald Jr., sco er il schender da Trump, Jared Kushner.

Tut en tut sto Trump occupar da quai da 4'000 uffizis.

RR novitads 7:00

Artitgels legids il pli savens