Siglir tar il cuntegn

Header

cuntegn

Exteriur Midada politica en Pologna

Ils Polacs vulan ina midada politica. A las elecziuns parlamentaras da la dumengia è la partida d'opposiziun «Dretg e giustia» (PiS) cun la candidata Beata Szydlo daventada la pli ferma.

Tenor calculaziuns approximativas survegn la PiS 38% da las vuschs. Quai bastass per reger sulet. La participaziun da las elecziuns munta a 51,6%.

Sche questas prognosas èn correctas, lura pudess Szydlo reger suletta. Ils nationalconservativs da la PiS pon far quint cun ina maioritad da 238 dals 460 sez en il parlament. Uschia fiss la PiS dapi il 2007 l'emprima giada a la regenza.

Terrada per ils liberalconservativs

Ils liberalconservativs da la presidenta Ewa Kopacz vegnan be sin 23,4% da las vuschs. Kopacz ha concedì sia terrada. Suenter 8 onns a la regenza daventa questa partida ussa l’opposiziun. Avant 4 onns avevan 33,7 % dals votants vuschà per ils liberalconservativs e 23,2% per la PiS.

Tenor prognosas èn 5 partidas represchentadas en il nov parlament polac.

Fin qua n'èsi anc betg cler, cura ch'ils resultats finals vegnan annunziads.

RR novitads 06:00

Artitgels legids il pli savens