Siglir tar il cuntegn

Header

cuntegn

Midada dal clima Dapli mortoris pervi da chalira

En l’Europa èsi da quintar en l’avegnir cun anc dapli mortoris en consequenza d’undas da chalira. Da quest avis è l’Autoritad per l’ambient da l’Uniun europeica. Tenor in nov rapport saja temp d’agir e betg pli da planisar. Cun ulteriuras mesiras stoppian ils umans s’adattar a la midada dal clima: Per exempel dovria dapli lieus sumbrivauns en las citads ed ils temps da lavur stoppian vegnir adattads. Uschia saja pussibel da proteger meglier las persunas las pli periclitadas.

Questa stad hai dà sin l’entir continent fitg bleras undas da chalira, sitgira ed incendis da guaud. Era malsognas sco malaria ubain la fevra da dengue sa derasar pli lunsch en il nord cun la midada dal clima e strapatschan il sistem da sanadad.

L’entschatta da l’emna aveva l’Organisaziun mundiala da la sanadad WHO communitgà ch’almain 15’000 umans sajan morts quest onn pervi da la chalira. En l’avegnir vegnia quest dumber anc a s’augmentar pervi da la midada dal clima.

Or da l'archiv:

video
Tips per dis da chalira
Or da Minisguard dals 25.06.2022.
laschar ir. Durada: 1 minuta 52 Secundas.

RTR novitads 06:00

Artitgels legids il pli savens