Exteriur - Mida Athen posiziun en la dispita da taglia?
En la dispita da taglia vul la Grezia ussa para tuttina dumandar ils pajais da l'euro per in ulteriur agid finanzial, quai rapportan medias greccas sa referind sin circuls da la regenza.
I vegnia examinà pussaivladads da prolungar la cunvegna da credit, hai num vinavant. Schebain ils partenaris da l'euro van d'accord cunquai resta dentant intschert. Quels insistan vinavant sin ina prolungaziun cumpletta dal program d'agid che scada la fin dal mais. Il ministeri da finanzas grec n'ha per il mument ni confermà ni dementì quests rapports.
