Siglir tar il cuntegn
Inhalt

Exteriur Michele Scarponi è mort

Il victur dal Giro d’Italia dal 2011 è mort tar in accident da traffic durant in trenament. Paucs dis avant aveva el anc gudagnà in’etappa da la Tour of the Alps.

In purtret dal ciclist talian Michele Scarponi.
Legenda: Il ciclist talian Michele Scarponi è mort durant in trenament. Keystone

Il ciclist talian Michele Scarponi è mort. Il victur dal Giro d’Italia da l'onn 2011 saja mort tar in accident da traffic durant in trenament datiers da la citad dad Ancona. Il profi da 37 onns saja collidà cun in camiun ed anc mort sin via en l'ospital. Quai ha confermà il president da l'Uniun da ciclissem taliana.

Enfin l’ultim venderdi aveva Scarponi anc participà a la Tour of the Alps. In glindesdi aveva el gudagnà l’emprima etappa da Kufstein ad Innsbruck e terminà l’entira cursa sco quart. L'entschatta da matg fiss Scarponi partì sco capitani dal team Astana al Giro d'Italia.

RR novitads 12:00