Siglir tar il cuntegn
cuntegn

Exteriur MH370: Acziun da retschertga a fin

Malgrà tut las stentas n’han las autoritads ni chattà il vrac ni la raschun per il svanir da l’aviun da la Malaysia Airlines.

Ballun
Legenda: Sgol MH370: Suenter bunamain trais onns termineschan las autoritads l'acziun da retschertga. Keystone

Il sparir betg sclerì dal sgol MH370 da la Malaysia Airlines resta in dals gronds misteris da l'istorgia aviatica. Bunamain trais onns suenter che l'aviun è svanì ils 8 da mars 2014 dal radar è la tschertga finida. Quai ha communitgà il post da coordinaziun per la tschertga en l'Australia.

Tschertgar la guglia en il fain

En il territori da tschertga da 120'000 km² en l'Ocean Indic n'hajan ins betg pudì localisar l'aviun. A bord da l'eroplan eran 239 persunas. Experts valiteschan la schanza da tuttina anc chattar l’aviun sparì sco fitg pitschna. Las famiglias da las unfrendas han protestà cunter la decisiun da terminar l'acziun da retschertga.

RR novitads 10:00