Siglir tar il cuntegn
Inhalt

Exteriur Mexico: President vul introducir lètg per omosexuals

Il president dal Mexico Enrique Pena Nieto vul introducir la lètg per persunas omosexualas. El vul proponer ina midada da la constitiuziun en il congress dal pajais.

pèrin omosexual ad ina riva en il Mexico
Legenda: Il president dal Mexico vul lubir la lètg a pèrins omosexuals en l'entir pajais. Keystone

La baselgia catolica crititgescha quests plans. Sco Pena Nieto ha ditg, stoppian tuts avair ils medems dretgs ed uschia saja il dretg da mintgin da pudair maridar senza discriminaziun. Tar sia proposta s'orientescha il president vi d'ina sentenzia da la dretgira superiura. Tenor quella na dastgan ils stadis federals dal Mexico betg scumandar la lètg a persunas omosexualas.

En la chapitala dal Mexico è la lètg per pèrins omosexuals gia lubida dapi il 2009. Per midar la lescha correspundenta è ina maioritad da 2 terzas en il congress necessaria.

RR novitads 07:00