Siglir tar il cuntegn
Inhalt

Exteriur Metros a Brüssel puspè avertas

Bun in mais suenter ils attentats a Brüssel èn puspè tut las staziuns da tren sutterranas en la chapitala avertas, communitgeschan ils manaschis da traffic a Brüssel. Er la staziun da Maelbeek - in dals lieus dals attentats - è puspè en funcziun.

In schuldà patrugliescha a la staziun da metro Maelbeek, in dals lieus dal terror a Brüssel.
Legenda: In schuldà patrugliescha a la staziun da metro Maelbeek, in dals lieus dal terror a Brüssel. Keystone

Suenter ils attentats dals 22 da mars era la metro l'emprim vegnida serrada dal tuttafatg. Las ultimas emnas ha il manaschi lura funcziunà cun limitaziuns. Uss èn policists e schuldads preschents per segirar il manaschi dal traffic public.

Per simplifitgar las controllas n'èn però anc betg tut las entradas da las staziuns da metro avertas. En la staziun da metro Maelbeek è vegnida installada ina tavla da commemoraziun. Sin questa tavla pon viagiaturs laschar enavos lur patratgs.

RR novitads 11:00