Siglir tar il cuntegn

Header

Navigaziun

Angela Merkel.
Legenda: Merkel: La Germania saja e restia la constituziun, l'economia da martgà sociala e la libertad d'opiniun e religiusa. Keystone
cuntegn

Exteriur Merkel tegna ses curs

La chanceliera tudestga na vul betg midar la politica actuala da fugitivs, er sche las retschertgas mussan ina sminuziun dal consentiment per Merkel.

Ina retschertga da la fin d’emna passada aveva mussà, che 48% dals Tudestgs èn cunter, 39% per la politica da fugitivs da Merkel. Retschertgas na sajan betg ina mesira, ha ditg Merkel en in'intervista cun la gasetta «Bild». Per ella saja impurtant da chattar soluziuns, ha ella accentuà.

Tractar egualmain mintg'uman

Tenor Merkel haja mintg’uman il dretg da vegnir retschavì cun bainvulientscha, ma persunas che na survegnian il dretg d’asil duajan er bandunar il pajais, ha ditg Merkel. La chanceliera na vesa dentant per la Germania nagin privel tras l’Islam.

Angela Merkel defenda la politica da fugitivs malgrà critica ord atgnas retschas. Ella saja persvasa che l’atgna partida sustegnia ella.

Donald Trump crititgescha politica da Merkel

Il candidat presidenzial republican dals Stadis Unids ha ditg che la politica da fugivits da Merkel saja «sturna». El è da l'opiniun che la retschavida da plirs 100'000 persunas mainia a revoltas.

Tar ses cumbat d'elecziun preliminar aveva Trump annunzià da trametter enavos en lur patria ils fugitivs sirians en ils Stadis Unids; quai en il cas ch'el gudognia l'elecziun.

RR novitads 06:00