La chanceliera tudestga Angela Merkel è averta per l'idea dad in'armada europeica. Ina collavuraziun militara pli stretga aifer l'Europa fetschia senn ha fatg a savair la regenza tudestga.
Merkel punctuescha dentant che quai saja in project da l'avegnir ch'ins na possia betg struclar en in plan da termins concret.
La fin d'emna eran il president da la cumissiun da l'UE Jean-Claude Juncker e la ministra da defensiun tudestga Ursula von der Leyen s'exprimids per la finamira d'ina armada europeica a lunga vista.