Siglir tar il cuntegn
cuntegn

Exteriur Merkel: «Stadis en Europa ston sezs prender enta pugn lur destin»

Angela Merkel ha fatg bilantscha suenter l'inscunter da G7 en Sicilia.

Purtret dad Angela Merkel al podi.
Legenda: Angela Merkel na sa fida betg pli 100% dals Stadis Unids. Keystone

Ils stadis en l’Europa stoppian uss prender enta pugn l’agen destin. Quai è la bilantscha da la chanceliera tudestga Angela Merkel suenter l'inscunter suprem G7 en Sicilia. Ils stadis europeans na possian betg pli sa fidar dal tuttafatg dals Stadis Unids sco allià. Quai ha ditg Merkel ad in’occurrenza a Minca. Ella n'è dentant betg mo sa referida sin ils Stadis Unids mabain er sin il Brexit che stat avant porta.

En quest connex ha ella suttastritgà la buna relaziun tranter la Germania e la Frantscha cun ses nov president Emmanuel Macron.

RR novitads 17:00