Siglir tar il cuntegn
Inhalt

Exteriur Merkel pretenda repatriaziun da migrants

La chanceliera tudestga Angela Merkel pretenda ina repatriaziun consequenta da migrants senza dretg da restar en Germania. Las persunas che na dastgian betg restar stoppian vegnir tramessas enavos en lur patria.

Angela Merkel.
Legenda: Merkel ha ditg che la Bavaria saja in exempel per l’entir pajais areguard la repatriaziun da fugitivs. Keystone

En quest reguard saja la Germania anc ditg betg bun'avunda, ha ditg Merkel a chaschun d'in'occurrenza da la CDU. En cumparegliaziun europeica sa chattia lur pajais sulet en la media.

Germania repatriescha be 33% dals migrants

La Gronda Britannia per exempel repatrieschia 73% dals requirents d'asil refusads, la Grezia 44%, la Germania però sulet 33%. A l'occurrenza è Merkel danovamain vegnida confruntada cun critica.

Plinavant ha ella fatg attent, ch’i dettia gia quest onn 100’000 novs requirents d’asil or da stadis dal Balcan dal Vest che n’hajan nagin dretg da restar en Germania.

RR novitads 06:00