Siglir tar il cuntegn

Header

cuntegn

Exteriur Merkel: Naginas reglas spezialas per la Gronda Britannia

La chanceliera tudestga na vul betg contractar davart in access total al martgà da l'UE.

Angela Merkel refusa reglas spezialas per la Gronda Britannia per in access total al martgà da l'Uniun europeica. I na vegnia a dar naginas contractivas cun la Gronda Britannia avant che quella haja introducì la dumonda da sortida, ha ditg Merkel. L’access cumplain al martgà da l’UE saja collià cun l’acceptanza da las quatter libertads fundamentalas da l’UE. Tranter questas è er la libra circulaziun da persunas.

Avant aveva la scheffa da la regenza en Gronda Britannia, Theresa May pretendì l'access total a la fiera europeica cun pudair mantegnair la controlla sur da la migraziun. May aveva annunzià da vulair cumenzar las contractivas da sortida cun l’UE anc avant la fin da mars dal onn proxim.

RR novitads 18:00

Artitgels legids il pli savens