Siglir tar il cuntegn
cuntegn

Exteriur Merkel ha ferma speranza

Las partidas CDU/CSU e la SPD èn sut squitsch: Fin gievgia duain ils discurs da sondagi esser serrads giu.

Angela Merkel avant microfons.
Legenda: Merkel crai ch'i pudess gartegiar. Keystone

En Germania han cumenzà oz ils emprims discurs da sondagi tranter las trais partidas CDU, CSU ed SPD. Finamira èsi da chattar ora co las trais partidas pudessan furmar ensemen ina regenza. A l'entschatta han tut las trais partidas accentuà las stentas per refurmas en Germania. Sin ina nova regenza tudestga spetgian grondas lezias, ha ditg la chanceliera tudestga directiva e scheffa da la CDU, Angela Merkel, a Berlin.

Schulz empermetta discurs speditivs

Merkel è sa mussada optimistica ch'i pudess gartegiar da furmar ina nova regenza. Tenor il schef da la CSU Horst Seehofer dovri uss in resultat ed il schef da la SPD Martin Schulz ha empermess discurs speditivs. Ils discurs duain cuntinuar fin la gievgia. Lura duai dar ina decisiun, sch'i dat tractativas davart ina coaliziun gronda u betg.

RR novitads 18:00