Siglir tar il cuntegn

Exteriur Merkel ed Hollande insistan sin ina resposta europeica

La Germania e la Frantscha pretendan ina resposta europeica sin la crisa da fugitivs actuala. La chanceliera tudestga Angela Merkel ha ditg ch'i dettia bain in dretg d'asil communabel, che quel na vegnia per il mument però betg realisà.

François Hollande ed Angela Merkel al pult avant las medias.
Legenda: François Hollande ed Angela Merkel insistan sin in sistem unitar. Keystone

Berlin e Paris veglian perquai cuntanscher ch'i vegnia endrizzà centers per registrar fugitivs en la Grezia e l'Italia. I dovria standarts communabels per ina faira repartiziun dals fugitivs, uschia Merkel. Il president franzos Françoi Hollande ed Angela Merkel han plinavant condemnà ils cravals cunter fugitivs a Heidenau en Germania.

RR novitads 21:00