Mediaziun tranter Lufthansa e pilots

Ils pilots e la direcziun da la societad aviatica Lufthansa èn sa cunvegnids sin ina mediaziun. Fin la fin da schaner duai la mediaziun esser terminada ha communitgà il sindicat da pilots Cockpit.

Eroplan da la Lufthansa.

Legenda da maletgs: Ils eroplans da la Lufthansa vegnan per il mument a sgular vinavant. Quai grazia ina mediaziun che duai avair lieu fi... Keystone

Per il mument ston ils passagiers da la Lufthansa betg avair tema d’ina ulteriura chauma: Ils pilots e la direcziun da la societad aviatica Lufthansa èn sa cunvegnids sin ina mediaziun. Quai fin la fin da schaner. Lura duess la mediaziun esser a fin. Fin lura na vegn era betg chaumà. La Lufthansa ha confermà la mediaziun. Tge persuna che fa la mediaziun na vegn betg communitgà.

La fin da november è la dispita da plirs onns tranter pilots e la Lufthansa s'agravà cura ch'ils pilots han chaumà durant sis dis. La davosa offerta da la Lufthansa cuntegneva in augment da paja da 4,4 pertschiet sco era in pajament unic. Il sindicat ha pretendì in augment da 3,7 pertschient per onn per tut ils 5’400 pilots inclus in pajament posteriur per quatter onns.

RR novitads 10:00