Siglir tar il cuntegn

Header

cuntegn

Exteriur Mazzacra en Tunesia - almain 37 morts

Il dumber dals morts suenter l'attatga sin il lieu da turists Sousse en la Tunesia è entant creschì sin 37. Quai ha confermà il ministeri da sanadad da la Tunesia. Tranter las unfrendas sa chattian Tudestgs, Brits, Beltgs e Tunesians.

36 blessads sajan vegnids transportads en ils ospitals en il conturn.

Sco quai che las autoritads conferman, han las forzas da segirezza mazzà in dals attatgaders durant il cumbat e pli tard lura confiscà pliras buis d'assagl. I sa tracta d'in student da la Tunesia. Il segund attatgader saja vegnì arrestà.

Tgi ch'è responsabel per l'attatga n'è anc adina betg cler. Il mars passà avevan Islamists mazzà plirs turists durant in'attatga sin in museum en la chapitala Tunis. La gruppa da terrur Stadi islamic aveva lura declerà ch'ella saja responsabla per l'attatga.

Sousse è in lieu popular da vacanzas per turists da l’Europa e dals pajais vischinants nord africans.

RR novitads 15:00

Artitgels legids il pli savens