L’attentader era gia prechastià pervi da plans d’attatgas. L’um da 25 onns era il 2013 vegnì sentenzià da far part d’ina gruppaziun dschihadista franzos-pachistana, ha la polizia franzosa communitgà.
Il buob è en segirtad
L’attatgader aveva stilettà il policist da 42 onns avant sia chasa. Silsuenter aveva el prendì sco ostagis la dunna ed il figl da trais onns dal policist. Suenter haja ina unitad speziala da la polizia assaglì l'abitaziun e mazzà il delinquent, conferma il minister da l'intern da la Frantscha. La dunna dal policist saja vegnida chattada morta. Il buob da trais onns hajan ins chattà senza blessuras, dentant sut schoc. El saja uss en segirtad, han communitgà ils responsabels. Ils investigaders examineschan uss era in motiv zuppà islamistic.
RR novitads 06:00+