Siglir tar il cuntegn

Exteriur Mazzà plirs manaders dal Stadi islamic

In manader da la milissa terroristica Stadi islamic che duai avair gì contact direct cun ils attentaders a Paris è vegnì mazzà.

aviuns da guerra sin ina plazza aviatica.
Legenda: Las attatgas ord l'aria cunter la milissa terroristica Stadi islamic han gì effect il davos temp. Keystone

Tenor indicaziuns da la regenza americana saja Charaffe al-Muadan vegnì sajettà d'ina attatga planisada en la Siria. Las davosas emnas èn 9 ulteriurs manaders dal SI vegnids mazzads, sco il Pentagon communitgescha.

Insumma fetschian las attatgas cunter il Stadi islamic effect. Cun sustegn da l'allianza militara, manada dals Stadis Unids, haja il militar iracais reconquistà dacurt la citad da Ramadi ch'il SI controllava dapi il matg passà.

RR novitads 20.00