Siglir tar il cuntegn

Exteriur Mazzà il nr. 2 da la milissa terroristica Stadi Islamic

Hadschi Mutas, il numer 2 da la milissa terroristica Stadi Islamic, è vegnì mazzà d'ina attatga cun dronas che l'armada americana ha fatg en l'Irac. Quai conferma la Chas'Alva a Washington. L'attatga saja gia stada ils 18 da quest mais.

Ina drona en l'aria.
Legenda: In'attatga cun drona ha chaschunà la mort d'in aut represchentant da la milissa terroristica Stadi Islamic. Keystone

Mutas valeva sco pli impurtant substitut dal manader dal SI, Abu Bakr al-Baghdadi. Gia la fin da l'onn passà era Mutas vegnì declerà mort. Lezza giada eri dentant stà in'infurmaziun faussa.

RR novitads 22.00