Siglir tar il cuntegn
Inhalt

Exteriur Mazedonia sposta elecziun parlamentara

En la Mazedonia èn las elecziuns dal parlament vegnidas spustadas suenter las annunzias da boicot da l'opposiziun.

deputadas e deputads arrivan
Legenda: En il parlament èn sa radunads delegadas e delegads per la sessiun extraordinaria pretendida da la decisiun dal Tribunal constituziunal. Keystone

Il parlament ha vuschà cun ina clera maioritad per midar la lescha electorala. Per l'opposiziun n'eran las cundiziuns per ina elecziun faira betg dadas. Er l'Uniun europeica aveva pretendì che las elecziuns vegnian spustadas.

Il stadi dal Balcan sa chatta dapi il 2015 en ina crisa politica. Lura eran vegnidas a la glisch acziuns da spiunascha da la regenza. Questas mussavan, co la regenza aveva la controlla da las medias e las dretgiras.

RR novitads 08:00