Siglir tar il cuntegn
cuntegn

Exteriur May sa perstgisa per desaster tar elecziuns

En la Gronda Britannia è la primministra Theresa May sa perstgisada davant ils deputads da sia partida per la terrada electorala. Ella ha però era ditg ch’ella veglia restar en uffizi.

Purtret da la primministra Theresa May.
Legenda: Malgrà desaster tar elecziuns vul Theresa May sco i para restar er suenter il debachel da sia partida tar l'elecziun dal parlament. Keystone

Theresa May sa perstgisada davant ils deputads da sia partida per la terrada electorala, vul dentant restar al timun. Vers l'emettur BBC haja ella ditg:

Jau n’ha manà nus en questa buglia ed jau main nus era puspè or da questa buglia.
Autur: Theresa MayPrimministra da la Gronda Britannia

La gievgia passada avevan ils conservativs pers 12 sez e cun quai lur maioritad absoluta en la chombra da deputads.

Ussa tractan els cun la DUP, ina partida conservativa protestanta da l’Irlanda dal nord, davart ina collavuraziun.

RR novitads 06:00