Siglir tar il cuntegn

Header

cuntegn

Exteriur May e Juncker chattan cumpromiss

Tar la cunvegna davart il Brexit han la primministra da la Gronda Britannia, Theresa May, ed il president da la cumissiun da l'UE, Jean-Claude Juncker, chattà anc l'ultim mument in cumpromiss. Gia oz, mardi, votescha il parlament da la Gronda Britannia la segunda giada davart la cunvegna da sortida.

Fin la fin dal 2020 vulan la UE e la Gronda Britannia chattar ina soluziun che duai evitar l'uschenumnà Backstop. Quel duai garantir ch'il cunfin tranter l'Irlanda e l'Irlanda dal Nord restia er en futur avert. Quai han May e Juncker declerà avant las medias. La UE vegn uschia encunter a la Gronda Britannia en la dumonda davat il cunfin tranter l'Irlanda e l'Irlanda dal Nord.

Sch'ils parlamentaris da la Gronda Britannia refusan oz questa segunda cunvegna, lura lascha May votar damaun anc ina giada davart ina sortida senza cunvegna. Sche er lezza votaziun na chatta nagina maioritad, decidan ils deputads la gievgia, sch'i duessan inoltrar ina dumonda per spustar il Brexit.

RR novitads 06:00

Artitgels legids il pli savens