Siglir tar il cuntegn

Exteriur Mauricio Macri daventa president da l'Argentina

Tar las elecziuns decisivas per il post da president da l’Argentina gudogna il candidat conservativ Mauricio Macri. Suenter che bunamain tuttas vuschs èn dumbradas vegn Macri sin 52% da las vuschs.

Mauricio Macri sa legra vesiblamain da sia victoria electorala.
Legenda: Mauricio Macri (56) sa legra vesiblamain da sia victoria electorala. Keystone

Ses cuntercandidat, il peronist Daniel Scioli, vegn sin 48% da las vuschs. Scioli ha concedì sia terrad’electorala.

En l'emprim scrutini la fin d’october aveva Scioli anc fatg las bleras vuschs. El valeva er sco favurit da l’anteriura presidenta da l’Argentina Christina Fernández de Kirchner.

Uss vegn l’opposiziun conservativa a reger l’Argentina. Macri è vegnì sustegnì da grondas parts dal center politic e da la dretga.

RR novitads 06:00