Siglir tar il cuntegn

Exteriur Matteo Renzi ha surplidà ils votants da betg votar

En l'Italia ha il referendum per limitar las perfuraziuns d'ieli e gas fatg naufragi pervi da la pitschna participaziun a la votaziun. Quai ha il ministeri da l'intern talian confermà.

Il primminister talian Matteo Renzi
Legenda: Il primminister Matteo Renzi aveva supplitgà ils votants da betg sa participar a la votaziun Keystone

Tenor il ministeri da l'intern han mo 30 pertschient da las persunas cun dretg da votar fatg part a la votaziun. Per ch'il referendum fiss stà valaivel avessi duvrà ina participaziun d'almain 50%.
Ussa dastga pia vegnir perfurà enfin che las resursas d'ieli e gas avant la costa taliana èn exaustas.
Il naufragi da la votaziun è ina victoria per la regenza dal primminister Matteo Renzi. Quel aveva avertì che 11'000 plazzas da lavur giajan a perder sche la populaziun decidia da limitar las perfuraziuns.

RR novitads 6:00