Siglir tar il cuntegn

Header

mary jo white
Legenda: 3 onns avant la fin dal mandat banduna la scheffa Mary Jo White la «Securities and Exchange Commission» (SEC) dals Stadis Unids ses post. Reuters
cuntegn

Exteriur Mary Jo White banduna la SEC pli baud che previs

La scheffa da l’autoritad da surveglianza da la bursa americana (SEC) Mary Jo White sa ritira pli baud che previs.

Mary Jo White (68) dettia giu sia funcziun il schaner che vegn, cura che era la regenza dad Obama va, communitgescha la surveglianza da la bursa americana (SEC). White aveva surprendì questa funcziun l’onn 2013. Ussa va ella bunamain 3 onns avant la fin da ses mandat.

White vala sco persuna impurtanta da l'administraziun Obama per metter cunfins a la Wall Street suenter la crisa finanziala. Cun la demissiun anticipada da White po ussa il nov president Trump occupar quest post cun ina nova persuna. Fin ussa n'ha Trump anc betg prendì posiziun, co el vul regular l'industria da finanzas.

RR novitads 06:00