Siglir tar il cuntegn
Inhalt

Exteriur Marine Le Pen - sia carriera e sias schanzas

La dunna da 49 onns candidescha per la segunda giada per il presidi da la Frantscha. Avant tschintg onns aveva ella gia candidà.

Marine Le Pen che vul daventar presidenta da la Frantscha.
Legenda: Marine Le Pen che vul daventar presidenta da la Frantscha. Keystone

«Marine Présidente» è il slogan da la manadra dal Front National che vul daventar l'emprima presidenta da la Grande Nation. Dapli agid social e subvenziuns, auzar la paja minimala, in'emna da lavur da 35 uras ed ir en pensiun cun 60 onns - quai èn intginas empermischuns da la candidata. Schebain quai è finanziabel, n'è anc betg cler. Ses program cumpiglia 144 puncts. Il pli impurtant project da Le Pen è dentant da sortir da l'Uniun Europeica e da dar si l'euro.

Stefan Brändle ch'è correspundent liber a Paris e scriva per pliras gasettas ha analisà las schanzas e la carriera da la candidata.

L'emprim scrutini è ils 23 d'avrigl 2017.

Procedura d'elecziun

  • Il president/la presidenta da la Frantscha vegn elegì directamain dal pievel
  • Tgi che cuntascha il pli absolut en l'emprim scrutini ils 23 d'avrigl è elegì
  • Sche nagin cuntanscha il pli absolut - quai ch'è per ordinari il cas - datti ina elecziun decisiva ils 7 da matg
  • Là vegn decidì tranter ils dus candidats che han gì las pli bleras vuschs