Siglir tar il cuntegn
Inhalt

Exteriur Mariano Rajoy betg pli primminister

Il parlament spagnol ha exprimì il votum da disfidanza al primminister Mariano Rajoy.

Il primminister spagnol.
Legenda: Rajoy n'ha betg pli la fidanza dal parlament. Keystone
  • Il parlament spagnol ha retratg la confidenza al primminister Mariano Rajoy.
  • Nov primminister daventa il schef dals socialdemocrats Pedro Sánchez.
  • Rajoy è l'emprim primminister spagnol che vegn cupitgà tras in votum da disfidanza.

La maioritad dals 350 deputads dal parlament da la Spagna ha dà giu il votum da disfidanza per Mariano Rajoy. Successur daventa il schef da la partida socialistica PSOE, Pedro Sánchez. I vegn spetgà ch'el survegn dal retg l'incumbensa da furmar ina nova regenza.

Il votum da disfidanza han tranter auter er sustegnì l'allianza sanestra Unidos Podemos cun 67 sezs e diversas partidas regiunalas – er da la Catalugna e dal Pajais Basc. Rajoy è l'emprim primminister en Spagna che vegn cupitgà tras in votum da disfidanza.

Sin Sánchez spetgan grevs temps. Sia partida socialstica è numnadamain sortida da las ultimas elecziuns sco perdenta cun mo 84 sezs. Percunter ha la partida conservativa PP da Rajoy 134 deputads en il parlament.

RR novitads 12:00