Siglir tar il cuntegn

Exteriur Marcantamain dapli execuziuns

Il 2015 hai dà en l'entir mund passa 1600 execuziuns - tantas sco anc mai ils ultims 25 onns. Cumpareglià cun l’onn avant è quai in augment da passa la mesadad.

3 sugets che pendan vid ina stanga da metal.
Legenda: Dapi 25 onns n’èsi mai vegnì executà tantas persunas pervi da la lescha. Keystone

Tenor l'organisaziun per dretgs umans Amnesty International è il dumber effectiv dentant bler pli aut, damai ch'i na dat naginas cifras definitivas per China.

Quasi 90% da tut las execuziuns registradas dad Amnesty èn stadas en l'Iran, Pakistan e l'Arabia Saudita. I dettia dentant er in svilup positiv. Fidschi, Madagascar, la Republica Congo e Surinam hajan abolì l'onn passà la paina da mort. Amnesty publitgescha mintg’onn sia statistica davart las execuziuns.

Las cifras èn irritantas.
Autur: Patrick WalderAmnesty International

Las cifras dal 2015 sajan però irritantas e fetschian quitads, ha punctuà Patrick Walder da l’organisaziun per dretgs umans. Dapi 25 onns n’èsi mai vegnì executà tantas persunas pervi da la lescha.

RR novitads 06:00