Exteriur - Marcantamain damain consentiment per gieus olimpics a Rio
Il consentiment per ils gieus olimpics a Rio è tschessà en la Brasilia marcantamain. Quels vegnian a purtar al pajais dapli donn che niz èn 63% dals Brasilians persvadids. Quai demussa ina retschertga d'ina gasetta indigena.
Tenor quella è mintg'auter schizunt insumma cunter ils gieus che custan passa 10 milliardas euros. Avant 3 onns era mo mintga quart cunter ils gieus olimpics. Dapi lura è la Brasilia crudada en ina profunda recessiun. Il dumber dals burgais ch'ha absolutamain nagin interess da gieus olimpics è creschì da 28 sin 51%.
