Siglir tar il cuntegn
Inhalt

Exteriur Manuel Valls candidescha per il moviment dad Emmanuel Macron

L'anteriur primminister franzos Manuel Valls ha annunzià da candidar per il moviment dal nov president Emmanuel Macron a las elecziuns parlamentaras il zercladur. El saja candidat ha ditg il socialist envers l'emettur RTL.

Purtret da Emmanuel Macron e Manuel Vals che scuttinan insatge.
Legenda: Il nov president da la Frantscha Emmanuel Macron survegn sustegn da l’anteriur primminister Manuel Valls. Keystone

Gia avant l’elecziun dal president aveva Valls sustegnì Macron e n’ha betg ses collega da partida Benoit Hammon. Fin ussa tutgava Valls tar l'ala dretga da la partida regenta – tar la partida socialistica. Sco Valls di, saja quella partida dentant tant sco morta.

Las elecziuns dal parlament en Frantscha han lieu ils 11. ed ils 18. da zercladur 2017. Là vul Macron cuntanscher ina maioritad che levgiass ad el da metter atras ses plans sco president.

RR actualitad 12:00