Mansur Hadi è fugì dal Jemen

Il president dal Jemen Mansur Hadi ha tenor pliras agenturas da novitads banduna la citad da Aden ed è fugì en l’exteriur, ma i n’è betg cler nua.

Schuldads cun buis ed in tanc.

Legenda da maletgs: Schuldads loials al president dal Jemen sa preparan per il cumbat cunter ils rebels. Reuters

La damaun han agenturas da novitads annunzià ch’ils rebels Huthi en il Jemen han conquista in’impurtanta basa dal militar en la provinza Lahdsch en il sid dal Jemen. Uss s’avanzan ils rebels adina pli datiers da la citad Aden nua ch’il president Mansur Hadi sa chattava anc dacurt.

L’emna passada avevan ils Stadis Unids da l’America retratg il persunal da questa basa militara. En la provinza Lahdsch hai dà las ultimas emnas plirs cumbats tranter ils rebels Huthi che stattan datiers da la gruppa terroristica Al-Kaida e las forzas da segirtad dal Jemen.

RR novitads 12:00